Shuhet shumica e vatrave të zjarrit që dëmtuan qindra ha pyje

Nga Joana Diamanti - Mon Aug 20, 2:42 pm

• Lexuar 18 herë
• Tweet

Gjatë fundjavës është punuar intensivisht për shuarjen e plotë të 15 vatrave të zjarrit vendin tonë. Por sot, në masivet pyjore të rrethit të Kukësit, janë rishfaqur dy vatra të reja zjarri në malin e Koretnikut, njëra pranë fshatit Zapod dhe tjetra në qafë e Zbinecit.

Dy vatrat e reja të zjarrit mendohet nga specialistët se janë aktivizuar në mënyrë të qëllimshme, ashtu si pjesa më e madhe e vatrave të zjarrit të shfaqura më parë në masivet pyjore. Zjarret që kanë përfshirë masivet pyjore të qarkut të Kukësit deri tani kanë shkrumbuar rreth 170 ha pyje.

Për fat të mirë, vatrat e reja të zjarrit nuk përbëjnë rrezik për banesat. /alb-observer.com/

• Lexuar 18 herë
• Tweet